लियो जिल्ला ३२५ सिको दोश्रो परिषद् बठैक बिर्तामोडमा हुँदै

विराटनगर।  लायन्स क्लब अन्तर्राष्ट्रिय अन्तर्गत लियो जिल्ला परिषद् ३२५ सि नेपालले आफ्नो दोश्रो परिषद् बैठक आयोजना गर्न लागेको छ।
पहिलो बैठक तथा पदस्थापन कार्यक्रम बिराटनगरमा आयोजना गरेको परिषद्ले यसपटकको दोश्रो बैठक भने झापाको बिर्तामोड स्थित सि पि होटेलमा भोलि अर्थात पुष ३० गते हुने जिल्ला परिषद् ३२५सि का अध्यक्ष लियो शिद्दार्थ शाहले जानकारी दिएका छन् । ।
सोही दिन शान्ति र्याली, उत्कृष्ट ब्यानर प्रस्तुत प्रतियोगिता, उच्च सदस्य उपस्थिति पुरस्कार , उच्च महिला सदस्य उपस्थिति पुरस्कार लगायत विभिन्न बिधाहरु समेत छुट्याएको छ।
परिषद्ले लियो सदस्यहरु भित्र रहेको प्रतिभालाई प्रष्फुटन गराउने उद्देश्यका साथ २ चरण गरि बक्तृत्वकला प्रतियोगिताको समेत आयोजना गरेको छ । पहिलो चरणमा प्रतियोगिहरुले जिल्ला गभर्नरको थिम “Challenge Your Limits” भन्ने विषयमा ४ मिनेट बराबर को भिडियो रेकर्ड गरि पठाउनुपर्ने थियो जसमध्ये ५ जनालाई छनौट गरि परिषद् बैठकका दिन सहभागीहरुले डिस्ट्रीक्ट प्रेसिडेन्टको थिम “Serve Together Smile Together” भन्ने विषयमा आफ्नो प्रस्तुति दिनुपर्ने आयोजकले बताएका छन् ।