काठमाडौँ – प्रधानमन्त्री पुष्पकमल दाहाल आजबाट तीन दिने औपचारिक भारत भ्रमणमा जाँदै छन् । भारतीय समकक्षी नरेन्द्र दामोदर मोदीको औपचारिक निमन्त्रणामा उनि भारत भ्रमणमा जान लागेका हुन् । उनि आज दिउँसो १ बजे भारत प्रस्थान गर्ने कार्यक्रम रहेको छ । भारत भ्रमणका क्रममा उनले भारतीय प्रधानमन्त्री मोदीसँग दिव्पक्षिय वार्ता गर्ने बताइएको छ ।
प्रधानमन्त्री दाहालको भारत भ्रमणमा परराष्ट्रमन्त्री नारायणप्रसाद साउद, अर्थमन्त्री डा.प्रकाशशरण महत, उर्जा, जलश्रोत तथा सिंचाईमन्त्री शक्तिबहादुर बस्नेत,भौतिक पूर्वाधार तथा यातायातमन्त्री प्रकाश ज्वाला, उद्योग वाणिज्य तथा आपूर्तिमन्त्री रमेश रिजाल जाने भएका छन् ।
भारत भ्रमणका क्रममा प्रधानमन्त्री दाहालले भारतीय राष्ट्रपति द्रौपदी मुर्मू, उपराष्ट्रपति जगदीप धनखड र प्रधानमन्त्री नरेन्द्र मोदीसँग भेट गर्ने कार्यक्रम छ ।