विराटनगर – असाहय, अपाङग , तथा घर र सहारा विहिन कुकुरहरुलाई उपचार तथा रेखदेख गर्दै आएको विराटनगर स्थित साहारा एनिमल केयरमा विशेष कुकुर तिहार मनाइएको छ।
विभिन्न सहारा विहिन कुकुरहरुलाई सदा झै स्वस्थ खाना उपलब्ध गराई तथा उपचार आवश्यकता परेको कुकुरहरुलाई उपचार गरी पुजा गर्दै साहाराले कुकुर तिहार मनाएको हो।
आज नै विराटनगरका युवाहरुको समुह ‘ अचेत नागरिक समुह’ ले पनि यस विशेष दिनको अवसर पारेर साहारा एनिमल केयर मार्फत खाद्यान्न उपलब्ध गराई कुकुर तिहार मनाउन सहकार्य गरेको छ ।
सहारा एनिमल केयरले साहारा विहिन कुकुरहरुलाई लामो समयदेखि खानपिन , बस्नेे व्यवस्था र सम्पुर्ण उपचार तथा समयसमयमा खोप सेवा प्रदान गरी सेवा पुर्याउदै आएको साहाराका सदस्य तथा पशु चिकित्सक डा प्रतिक कोइरालाले बताए।
