विराटनगर । कोरोना भाइरस विरुद्धको खोपका बारेमा जनचेतना जगाउने उद्धेश्यले झापा मोरङ र सुनसरीका विभिन्न स्थानमा सडक नाटक मञ्चन गरिएको छ ।
हाम्रो क्लब नेपाल विराटनगरले स्वस्थ समाजका लागि हाम्रो अभियान नेपालसँगको सहकार्यमा झापाको दमक, मोरङको बेलबारी, बुढीगंगा, सुनसरीको दुहबीलगायत क्षेत्रमा सडक नाटक मञ्चन गरेको हो ।
प्रदेश सरकार स्वास्थ्य मन्त्रालय, स्वास्थ्य निर्देशनालय धनकुटाको सहयोगमा तयार गरिएको सडक नाटकमा कलाकार मुकेश कर्ण, उद्धव सापकोटा, , मन्तोष यादव, भरत कार्की,संगीता यादव, दशरथ साह, सुरेश विद्रोही, दीक्षा चौधरीले अभिनय गरेका थिए । नाटकको लेखन र निर्देशन कलाकार सापकोटा र कर्णले गरेका हुन् ।
ग्रामीण क्षेत्रमा कोरोना विरुद्धको खोप सम्बन्धी अझै पनि भ्रम र त्रास भएका कारण सचेतना जगाउने उद्देश्यले सडक नाटक मञ्चन गरिएको कलाकार तथा निर्देशक मुकेश कर्णले बताए ।