विराटनगर । विराटनगर– ५ स्थित एभरेष्ट सेकेण्डरी स्कुलमा वक्तृत्वकला प्रतियोगिता सम्पन्न भएको छ । कक्षा ६ र ७ तथा कक्षा ८ र ९ का विद्यार्थीहरु बिच दुई तहमा वक्तृत्वकला प्रतियोगिता आयोजना गरिएको थियो ।
कक्षा ६ र ७ का विद्यार्थीहरुले ‘ग्लोबल वार्मिङ र पृथ्वीमा यसको असर’ विषयमा आफ्नो प्रस्तुती राखेका थिए भने कक्षा ८ र ९ का विद्यार्थीहरुले ‘हाम्रो शिक्षा प्रणालीमा कृत्रिम बुद्धिमत्ताको प्रभाव’ को विषयमा तर्क गरेका थिए ।
प्रतिष्पर्धामा कक्षा ६ र ७ को समूहबाट कक्षा ६ की जेनिशा दाहाल प्रथम र यीशुका बस्नेत द्धित्तिय भएका छन् भने कक्षा ७ का प्रयास भण्डारीले तृतीय स्थान हाशील गरेका छन् ।
त्यस्तै कक्षा ८ र ९ को समूहबाट कक्षा ९ का दिवांशु न्यौपाने प्रथम र कक्षा ८ का समिप खनाल द्धित्तिय भए भने कक्षा–८ का अनिरुद्र सेढाईं तृतिय भएका छन् ।